BANDU ILUKO
Vic G. Labaro
October 14, 2007
THE ILOCOS TIMES - ILUKO



Uppat ti pasango ti Pinili a tourist destination



AGLIPAY SHRINE ti umuna a pasango ti ili a Pinili no tourist destination ti pagsasaritaan. Iti Sitio Kullabeng ti nagtakderan ti Vicar General Greg Aglipay Shrine agsipud ta nainao iti nasamek a lugar iti daya nga abagatan ti munisipio ti pannaka-organizar ni Gen. Aglipay ti fuersa kontra kadagidi Kastila, Amerikano ken Hapon a dimmappat ti ammianan.

Ditoy pay ti nakabuklan ti Ilocano version ti Romano Catolico a Latino ni pannakaibasa ti lualo ken uray ti misa. Nagrebelde ti General, “Masapul nga Ilocano tapno agkikinnaawatan tayo,” kunana ket nasangal naiyulog iti Ilocano a pagsasao.

Maikaddua ti century-old a salamagi a timmakder a sitatangig iti laud nga ammianan ti municipio ket pinagbalin dagiti balikbayan a classy tree house. Daytoy salamagi (tamarind tree) ti pannaka-watch tower dagiti soldado no General Aglipay kasta pay kadagidi guerillas iti tiempo ti Fil-Am War.

Maikatlo a destinasyon dagiti farm products kas iti baoang, lasona, sibuyas, basi, arak, suka, ti pakaawisan dagiti turista, balikbayans, bisita a gumatang kadagitoy a produkto a naka-display iti makeshift booth, wenno abong-abong iti igid ti national road iti Barangay Darat, Pinili, Ilocos Norte.

Maikapat ket ti panangipursigi ni Mayor Anunciacion D. Pagdilao ti pannaka-gatang ti dua nga hectaria a daga iti Barangay Valbuena nga agbalin nga eco-tourism destination.

source:http://www.ilocostimes.com/oct08-oct14-07/iluko_bandu.htm